ပြည်ထောင်စု ရွေးကောက်ပွဲကော်မရှင် UEC က အမျိုးသားဒီမိုကရေစီ အဖွဲ့ချုပ် NLD ပါတီရဲ့ ငွေကြေးနဲ့ အခြားပိုင်ဆိုင်မှုတွေကို စစ်ဆေးမယ်ဆိုရင် လက်မခံနိုင်ဘူးလို့ NLD ဗဟိုလုပ်ငန်းကော်မတီအဖွဲ့ဝင် ဦးငြိမ်းသစ်က ဒီကနေ့ ပြောလိုက်ပါတယ်။
NLD အပါအဝင် နိုင်ငံရေးပါတီ တချို့ကို လာမယ့်အပတ်အတွင်းမှာ UEC က စစ်ဆေးသွားမယ်လို့ ဖေဖော်ဝါရီ ၉ ရက် ဒီနေ့ထုတ်ပြန်ထားရာမှာ ပါတီဥက္ကဋ္ဌ
ဒေါ်အောင်ဆန်းစုကြည် အဖမ်းခံထားရတဲ့အတွက် စစ်ဆေးခံဖို့ မဖြစ်နိုင်ကြောင်း ဦးငြိမ်းသစ်က ပြောလိုက်တာပါ။
“NLD ပါတီကို တာဝန်ခံနိုင်တာ ပါတီဥက္ကဋ္ဌ ဒေါ်အောင်ဆန်းစုကြည်ပဲ ဖြစ်တယ်။ ဒေါ်အောင်ဆန်းစုကြည် အပြင်မှာမရှိဘဲနဲ့ ပါတီအပေါ်မှာ စစ်ဆေးဖို့ဆိုတာ ကျနော်တို့က ဘာမှ တုံ့ပြန်စရာမလိုဘူး။ ကျနော်တို့ လိုက်နာ ဆောင်ရွက်စရာအကြောင်း မရှိဘူး”ဟုပြောသည်။
လာမယ့် ဖေဖော်ဝါရီ ၁၄ ရက်ကနေ ၁၈ ရက်နေ့အတွင်းမှာ NLD ပါတီအပြင် ရှမ်းတိုင်းရင်းသားများ ဒီမိုကရေစီ အဖွဲ့ချုပ် (SNLD)၊ တိုင်းရင်းသား စည်းလုံးညီညွတ်ရေးပါတီ (တစည) နဲ့ ၈၈-မျိုးဆက် ကျောင်းသားလူငယ်များ (ပြည်ထောင်စုမြန်မာနိုင်ငံ) ပါတီတို့ကို စစ်ဆေးသွားမယ်လို့ UEC ရဲ့ ဒီနေ့ထုတ်ပြန်ချက်မှာ ဖော်ပြထားတာပါ။
#aerial 220209
Post a Comment